Son postda “13
reasons why “ kimi yeni və üstəlik kifayət qədər ağır bir mövzulu seriala olan
maraqdan anladım ki, bizim gənclər xarici serialları , daha doğrusu həqiqətən
diqqətəlayiq xarici serialları izləməyi sevir. Beləcə qərara gəldim ki, hər həftə sevərək izlədiyim bir xarici serial haqda
fikirlərimi sizlə də bölüşəm :)
Mən “Black
Mirror” , “Doctor who” , Game Of Thrones , “The walking dead “ , “Pretty little liars” , “The
X files” və adını unutduğum daha neçə serial
izlə(mişəm)yirəm və istəyirəm bu adları oxuyarkən heç nə düşünməyəsiniz . Çünki
hər bir serial haqda heç də oxşar olmayan təəssüratlarım var və də heç biri bu
postun serial deyil :)
Düşündüm və belə nəticəyə gəldim ki, sizlə ilk olaraq (daha
doğrusu bu ikinci sayılır) əfsanə bir
serial haqda danışım - əlbəttə ki , “Friends” . Xatırlayırsınız , ölkəmizdə
xarici dilli serialların qadağan olunmasına qədər Lider telekanalında tez-tez rus dublajı ilə “Dostlar”
nümayiş olunurdu. Mənim də bu seriala məhəbbətim
məhz o dövrdən yaranıb-yeniyətməlikdən :) İllər sonra original səslərlə serial
başdan ayağa izlədikdə isə aldığım zövqü ifadə edə bilmərəm məncə. Kaş ki, bitməsəydi.
Ya da heç olmasa 10 yox, 11 ya 12 mövsüm davam edəydi :( Amma olacağa çarə
yoxdur. “Friends” bitdi…
Serial
haqda ümumi məlumatlara gələndə isə , sitcom janrındadır. (Situation comedy-
Komediya janrının bir qoludur ) 1994-2004-ci illər aralığında davam edib , ümumi tam olaraq 236 seriyası yayımlanıb.
Serialın 6 əsas
qəhrəmaı var : Ross , onun kiçik bacısı Monica
, Monicanın qapı qonşusu və Rossun
universitet dostu Chandler , Chandlerin ev yoldaşı Joey , Monicanın bir məktəbdə oxuduğu və
Rossun nakam sevgisi olan ( :D ) , üstəlik
ilk bölümdə pat deyə gəlinlik paltarında peyda olan Rachel və bu cür bağları olmasa belə serialın ən əyləncəli
xarakterlərindən biri olan Phoebe ! :)
Anlayacağınız kimi, bu 6 şəxs dostdurlar
və bu qrupun əsas toplaşma yerləri də ya
Monica ilə Chandler&Joey ikilisinin
evləri , ya Central Perk deyə çox belə isti və səmimi görünən kafe olur.
Serialın 10
il davam etməsilə eyni zamanda aktyor heyəti də yaşlanıb və süjet xəttləri də,
hadisələr də buna uyğun olaraq irəliləyib
:) Mən düşünürəm ki, 10 sezon boyunca hər sezonda tam fərqli adama bənzəyən xarakter məhz Chandler olub ( aktyor içki və müalicələrə görə aldığı
müalicələr səbəbindən gah arıqlamış, gah normal, gah da bir az dolu formada
qarşımıza çıxıb) və iddia edirəm , müqayisə
oluna biləcəyi seriallar içində 10 sezon boyunca zirvəyə qalxan və elə zirvədə də izləyicilərinə vida edən tək
serialdır “Friends”… 10-cu sezon hər bölümündə ən çox güldüyüm sezondur .
“Dostlar”ın
ən maraqlı özəlliklərindən biri ara-sıra Hollywoodun çooox məşhur simalarının
qonaq rollar kimi qarşınıza çıxmasıdır.
Sadəcə bəziləri :
İstəyirəm
sizə serial haqda bəzi maraqlı faktları da çatdırım : (Bu son deyil )
-Serialın
Joey-I Matt LeBlanc ilk bölümə çəkilənə qədər onun çox az pulu olub və ilk
qazancına etdiyi ilk şey özünə isti yemək almaq olub.
-Courtney Cox (yəni
Monica) əslində Rachel obrazını oynayacaqdı , amma kəşf etdilər ki, bu qız
Monica olmalıdır.
-İlk
başlarda serialın əsas cütlüyü kimi Joey və Monicanı yazmışdılar , lakin sonra
hər şey dəyişdi . Rachel və Ross isə ssenaridə yox idi, ssenaristlər
aralarındakı kimyanı çox bəyənib bu səmtə doğru getdilər.
-Sevimlimi
Guntherin 2-ci sezonun ortasına qədər ümumiyyətlə adı belə yox idi. Aktyor əvvəllər
Hollywood Coffe Shopda çalışıb, bu rolda olmasına səbəb isə Espresso maşınından
sadəcə onun istifadə edə bilməsi olub.
-Serial heyətinin gəlirləri ilk sezonda 1 bölümçün 22.500 dollar olsa da , 9 və 10-cu sezonlar üçün bu qiymət 1
milyon dollar qədər qalxıb.(pulun qaldırılması üçün rəsmən 6-ı da boykot etmişdilər :D )
-Phoebe və Chandler əslində ikinci dərəcəli xarakterlər olmalı idi.
-Ssenaristlər
Chandleri (Matthew Perry) gey etmək istəyirdi.
(Zavallı Chandler, 10 il boyunca onsuz da özünü güclə təmizə çıxardı ) (Lisa
Kudrow(Phoebe) ssenarini ilk dəfə oxuyanda o dab u rolun gey olduğunu
düşünmüşdü)
-Deyilənə
görə Courtney Cox keçmiş həyat yoldaşı
David Arquette ilə bu serialda tanış olmuşdu (
Malcolm obrazı ). Onlar evləndikdən sonrakı ilk bölümdə serialın bütün
komandası hədiyyə kimi adlarının sonuna
“Arquette” soyadını yazmışdılar. İkili bir yerdə Scream film seriyasında da yer alıblar.Bu
arada Courtney Cox , real həyatında da məhz Monica kimi ana olmaq üçün illərlə əlləşib
.
-Phoebe isə
hamilə olduğu bölümlərdə həqiqətən də öz oğluna hamilə idi. Aktrisa həm də əkiz
bacısı Ursulanı da canlandırırdı ki, Ursula özü başqa bir serialın da qəhrəmanı
idi.
Courtney Coxun hamiləliyi isə əksinə, gizlədilmişdi.
-Bu 6 obraz
üçün əvvəlcə tamam başqa adlar düşünülmüşdü və nə yaxşı ki, son variant məhz
belə olub :) (Məsələn : Phoebe üçün Ellen DeGeneres və Rachel üçün Tea Leoni yenə
nisbətən uyğun hesab oluna bilərdi digərlərinə baxanda :) )
-Serialın
az qala simvollarından sayılan ağ it isə əslində Jenniferə aid idi, aktirsaya
dostu tərəfindən hədiyyə idi.
-Marceli əslində
2 meymun canlandırıb :) Obrazların heyvanlarla arası yaxşı olsa da , aktyorlara eyni şeyi aid etmək olmaz, məsələn Lisa ördəklərdən qorxurmuş. Üstəlik aktrisa gitarada ifa etməyi də güclə öyrənibmiş :) ( Smelly Cat ,Smelly Cat...)
-Serialda bəzi
xarakterləri canlandıran aktyorları fərqli rollarda görə bilərsiniz . Məsələn
Joeyin meneceri Estelle Benin doğumundakı tibb bacısı ilə eyni aktrisadır.
-Serialın
adı üçün əvvəlki variantlar “İnsomnia Cafe” , “Friends like us “, “Six of one “
olub . Sonra isə belə short&cool
adda qərarlaşıblar.
-Matthew
Perrynin atası bölümlərin birində rol alıb (Daha özünüz tapın :P )
-Aktrisa
Jennifer Anistonun atası John real həyatda “Days of our lives” serialındakı
rollardan birini canlandırıb.
Maraqlı
faktlardan bu qədər. Bilirəm ki, çox uzun oldu post , amma hələ də
sıxılmamısınızsa oxumağa davam edin :)
Friends sadəcə
vaxtınızı xoş və gülərək keçirmək üçün bir vasitə deyil, həqiqətən kifayət qədər
sosial mesajlı bir serialdır. Bütün seriyalarda baş verən hadisələr demək olar
ki, oxşar formada qarşımıza çıxan və ya çıxa biləcək olaylardır. Obrazlar da az qala öz dostumuza
çevriləcək qədər doğmalaşır zaman sonra (Düzü , obrazların oxşarları da
hamımızın həyatında var ). 10 sezon bəlkə də sizə , həyatınızda nələr baş
verirsə versin , dostlarınızın yanında olmalı olduğunuzu öyrədəcək, bəzən ailə dediyiniz insanlar üçün ən
inanılmaz şeyləri etməyi (Phoebe) , hər zaman, ən son vəziyyətdə belə arzuların
ardınca getməyi (Joey ) , başına hansı travmatik olaylar gəlirsə gəlsin, bütün
problemlərə zarafatlarla yanaşmağı (Chandler ) , həqiqi sevgindən heç vaxt vaz geçməməyi (Ross ) , nə qədər
iddialı olsan belə həyatda bəzi şeylərində sənin əlində olmadığını (Monica ) və
bir gün öz ayaqların üstündə müstəqil yaşamağın gələcəyin üçün necə önəmli olduğunu (Rachel)
öyrədəcək…
“Friends”
öz janrının məktəbini keçə biləcək bir serialdır və mən hələ də izləməmisinizə
şiddətlə başlamağınızı tövsiyə edirəm. Başlayanlar, bilirəm ki, siz sona qədər
davam edəcəksiniz, artıq bitirənlər isə yəqin ki, elə mənim kimi, serial bir
neçə dəfə izləyiblər və hələ də davam edirlər :)
Üstəlik sizə
izləməyiniz üçün çox uyğun bir səbəb də deyim ki, bir bölüm cəmi 20-25 dəq aralığında davam
edir , amma az qala saat yarımlıq bir
filmin aurasını verir sizə :)
Serialı artıq izləmiş olanlar , sizinçünsə aşağıdakı linklə maraqlı bir test qoyuram , özünüzü yoxlayın və nəticənizi bölüşün :)
https://onedio.com/haber/sadece-gercek-friends-fanlarinin-basarili-olabilecegi-bu-testte-15-10-yapabilecek-misin-758359
https://onedio.com/haber/sadece-gercek-friends-fanlarinin-basarili-olabilecegi-bu-testte-15-10-yapabilecek-misin-758359